پێشه‌كى : تیۆرا دەولەتێ ئێک ژ بابەتێن گرنگێن هزرا یاسایی و سیاسی یە، دەولەت تێگەهێ بەرژەوەندیا گشتی، سرۆشتێ دەستهەلاتا سیاسی و پەیوەندیا ئەوێ دگەل خەلکێ دیار دکت. دەولەت نە بتنێ قەوارەیەکا کارگێری یە، بەلکو کومکرنا حەز و شیانێن خەلکێ یە، و لاندکا دادپەروەری و پاراستنا ماف و ئازادیێن مرۆڤێ یە، مرۆڤ کوم دبن بۆ بەرژەوەندیێن خوە، و دەولەت ئالاڤەکێ باشە بۆ رێکخستنا ئەوان هەموو بەرژەوەندیان. دەولەت دەربرینێ ژ بهایێن رەوشتی، یاسایی، سیاسی، کۆمەلایەتی، ئاینی دکت بۆ بەرزراگرتنا بهایێن ژیانێ. ب درێژاهیا مێژووێ جور و رەنگێن دەولەتێ دهاتن گوهورین ژ دەمەکێ بۆ ئێکێ دی ژ جهەکێ بۆ ئێکێ دی، چەرخێن کەڤن دیتن و خواندنێن خوە هەبوون بۆ دەولەتێ، جودا ژ دیتن و خواندنێن هەڤچەرخ. سیاسەت، فەلسەفە، یاسا و تیۆریێن هزری هەموو رێک و ئالاڤن بۆ شرۆڤەکرنا دیاردا دەولەتێ و بناغەیێ ئاڤاکرنا ئەوێ. ڤەکۆلینا تیۆرا دەولەتێ نە بتنێ لایەنێ یاسایی بخوەڤە گرتیە، بەلکو ب رێکا زانستێن دی ژی خواندن و ڤەکۆلین ل سەر تیۆرا دەولەتێ هاتیەکرن وەک زانستێن: مێژووی، کۆمەلایەتێ، ئابوری، سیاسی و فەلسەفە، داکو ب کور و هویر هەموو ئەو هزر، بناغە، دەستهەلات و تایبەتمەندیێن دەولەتێ هەیین بهێن ئاشکەراکرن، چونکی دەولەت ئامانێ ئاشتی و ئارامی، دادپەروەری، رێکخستن و پێشکەفتنێ یە. ژلایەکێ دی، شرۆڤەکرنا دەولەتێ ب چاڤێن یاسایی بتنێ، کورە بوونە، فەلسەفە خوێ یا هزرا دەولەتێ یە، چونکی یاسا ئەو چارچووڤەیە یێ دەستهەلات تێدا دهێت رێکخستن، بەلێ فەلسەفە روح و رامانێ ددت ئەوێ رێکخستنێ، رەواتیا یاسایی ناهێت تێگەهاندن بێ فەلسەفە، بۆ نموونە، سەروەری، دادپەروەری، ئازادی، بەرژەوەندیا گشتی هەموو ئەڤ تێگەهە ب فەلسەفێ زەلال دبن، تیۆرا دەولەتێ نە بتنێ سالۆخدانا دەولەتێ یە ب ستونیێن، خەلک، هەرێم، و دەستهەلاتا سیاسی، بەلکو شرۆڤەکرنا گەوهەرێ دەولەتێ دکت، سنورێ دەستهەلاتا دەست نیشان دکت، چارچووڤێ مرۆڤایەتێ دئەوێ کومێ دا خودان دکت. د ئەڤێ پەرتووکێ دا هەبوونا دەولەتێ ب هەموو تیۆریێن خوە یێن دیمۆکراتی، تیۆکراتی و کۆمەلایەتی ڤە هاتیە شرۆڤەکرن و رەخنەکرن. ستوین و جورێن دەولەتێ دو بابەتێن دی یێن گرنگێن ئەڤی بەرهەمی نە، ژ لایەکێ، تایبەتمەندی و کار و ئەرکێن دەولەتێ ب باشی هاتنە شرۆڤەکرن ب مەرەما زەلالکرنا تێگەهێ دەولەتێ و دیرکرنا ئەوێ ژ تێکەل بوونا تێگەهێن دی. ژ لایەکێ دی، تیۆرێن پابەندبوونا دەولەتێ ب یاسایێ د دەرگەهەک تایبەت دا هاتیە نڤێسین، دەولەتا یاسایی ب گەرەنتیێن دەسپێکێ، و چاڤدێریا دەستوریا یاسایان، چاڤدێریا دادگەها کارگێری ل سەر بریارێن کارگێری، چاڤدێریا پەرلەمانی ل سەر کارێن حکۆمەتێ، و ب هەموو پێکهاتەیێن خوەڤە ل دوماهیێ جهێ خوە گرتیە.

چاوا مە پێدڤی ب یاسایێ ھەیە؟ ئەرێ ئاشتی و ئارامی یا جڤاكی دێ چەندا پاراستی بت بێ یاسا؟ باشە مرۆڤ دشێت د جڤاكەكێ نە دادپەروەر دا گەشێ بكت؟ ئەرێ مانە یاسایە؛ گەرەنتیا ماف و ئازادیا دكت؟ ئەگەر یاسا ئالاڤێ رێكخستنا جڤاكی بت، بۆچی ئەم گرنگیێ پێنادن؟ بێ دو دلی مە پێدڤی ب یاسایێ ھەیە، یاسا ب گەوھەرێ خوە یێ پاقژ ڤە پارێزەرێ دادپەروەریێ یە، بھێزترین گەرەنتی یە بۆ ماف و ئازادیا، و باشترین ئالاڤە بۆ رێكخستنا جڤاكی و پاراستنا ماف و ئازادیا، یاسا كارتێكرنێ ل جڤاكی دكت، و جڤاك ژی كارتێكرنێ ل یاسایێ دكت، یاسا ئەو زانستەیە یێ كو ھەموو مرۆڤ پێدڤی، چونكی "نەزانین ب یاسایێ نابت بھانە"، ئەڤجا ب چ رەنگ یاسایێ نە خوینم؟ زانینا یاسایێ رولەكێ سەرەكی ھەیە د راگرتنا دادپەروەریێ دا، رۆشەنبیریا یاسایی وەریسەكێ ب ھێزە بۆ پاراستنا ماف و ئازادیا، و رێكەكا راستە بۆ لێگەریانا ژیانەكا سەربخوە و ئازاد. مرۆڤ ب چەكێ یاسایی د ھەموو شەران دا سەركەفتی یە، مرۆڤ و یاسا ب ئێكڤە گرێداینە، بنپێكرنا یاسایێ بنپێكرنا مرۆڤی یە، سەروەریا یاسایێ، سەربخوەیا مرۆڤی یە، ئەڤجا ژ بۆ پاراستنا مافان و راكرنا بەرپرسیارەتیان، مە پێدڤی ب زانینا یاسایی ھەیە. و ھەر ئەڤەیە پالدەر كو مە پەرتۆكەكا بچوك ل سەر دەھ بەشان دابەشكری، ب زمانەكێ سادە و كورت بەرھەڤكری، بێ گومان ھەر بەشەك گرێدایی لقەكێ یاسایێ یە، وەك (یاسا دەستوری، یاسا كارگێری، یاسا بازرگانی، ھتد ...)، و ھەر لقەك ب رێسكێن كورت یێن یاسایی ھاتیە دیاركرن و رۆنكرن، پێخەمت مە زانین ل سەر ھەموو لقێن یاسایێ ھەبن، چونكی باوەریا مە ب یاسایێ بھێزە، و ھێزا یاسایێ د رۆشەنبیریا یاسایی دا یە.

ناڤەرۆگ گەندەلی دلۆڤانیێ ب مافێن مرۆڤی نابت 1 دەولەت و یاسا 2 ياسا هێزێ بێ وژدانه‌ ! 3 ئەرێ دەولەتا یاسایی یا چاوایە؟ 4 بۆچوونا گشتی، دەستوور و دەولەت 5 دادپه‌روه‌ر‌ى د فه‌لسه‌فا ياسايێ دا 6 بۆ چی فەلسەفا یاسایی؟ 7 ئاین وەك ژێدەر بۆ یاسایێ 8 گرانیا رەوشتی د تەرازیا یاسایێ دا 9 باج د ناڤبه‌را ده‌ستوور و ژێوارى دا 10 بھایێ پێكڤەژیانا ب ئاشتی د دەستوورێ عێراقێ دا 11 مافێ كەمینەیان د دەستوورێ عێراقێ دا 12 عورفێ دەستووری چ یە؟ 13 ده‌ستوورێ عێراقێ يێ (2005) و ديمۆكراتيا رێكه‌فتى 14 دەستوورێ عێراقێ چاوا دهێت راستڤه‌كرن؟ 15 ڕۆلێ دەستووری د ھەڤسەنگكرنا دەستھەلات و ئازادیێ دا 16 بەرپرسیارەتیا سەرۆك كۆماری د دەستوورێ عێراقێ دا 17 رێكێن بلندكرنا سكاڵا ده‌ستوورى 18 پسپوریێن دادگەھا فیدراڵی یا بلند ل گورەیی دەستوورێ عێراقێ یێ سالا (2005) 19 قه‌یرانا ده‌ستووری ل هه‌رێما كوردستانێ 20 زمانێ كوردی د دەستوورێن عێراقێ دا 21

پێدڤيا مرۆڤى ب ياسايێ گرێدايى ب هه‌بوونا مرۆڤى يه‌ د كۆمه‌لگه‌هێ دا، چونكى تاك د كۆمەلگەھێ دا په‌يوه‌نديێن جودا جودا گرێ ددت بگره‌ ژ په‌يوه‌نديێن سياسى، بازرگانى، خێزانى و هتد...، ئه‌ڤ هه‌موو جورێن په‌يوه‌نديان داگرتى نه‌ ب به‌رژه‌وه‌نديێن جورا ‌و جور، ئه‌گه‌ر ڕێ ل به‌ر مرۆڤى بهێت ڤه‌كرن كو ئه‌و بخوه‌ ڤان په‌يوه‌نديا رێك بێخت بێ سيسته‌م، بنه‌ما و پره‌نسيپ، ژيانا كۆمەلگەھێ هه‌موو دێ د نه‌ ئارامی و نە جێگيریێ دا بت. ئه‌ڤجا بۆ گه‌ره‌نتيكرنا ژيانه‌كا ئارام د كۆمەلگه‌هێ دا، پێدڤی یە ياسا رۆلێ‌ خوه‌ ببينت، ياسا باشترين ئالاڤه‌ بۆ رێكخستنا په‌یوه‌نديێن مرۆڤى د كۆمەلگەھێ دا، ب دياركرنا ماف و ئه‌ركێن هه‌ر تاكه‌كێ د جڤاكى دا، و به‌رقراركرنا يه‌كسانى، دادپه‌ره‌يى و ئاراميێ د كۆمەلگەھێ دا، ده‌وله‌ت به‌ر ب كه‌نارێ مرۆڤايه‌تیێ ڤه‌ دبت. پشتى شۆرەشێن هزرى و چه‌كدارى و خه‌باته‌كا دور و درێژ، تێگه‌هێ ياسايى شيا ل ئاسته‌كێ باش رولێ خوە د جيهانا مرۆڤايه‌تى دا بگرت، ژ بەر ھندێ ئه‌ڤرۆ، ياسا بوويه‌ پيرۆزيه‌ك ل ده‌ڤ كۆمەلگەھێن ئازاد و ژيرمەند، چونكى جڤاكێ بێ ياسا خرابه‌ يه‌، و جڤاكێ ب ياسا ئاڤايه‌. سيسته‌مێ ياسايى يێ هه‌ر ده‌وله‌تەكێ پێكهاتيه‌ ژ كۆمه‌كا بنه‌مايێن ياسايى بۆ رێكخستنا په‌يوه‌نديا تاكێن كۆمەلگەھێ د گه‌ل ئێك و ژ لايه‌كێ دى، رێكخستنا په‌يوه‌نديا خه‌لكێ يه‌ د گەل ده‌ستهه‌لاتا رێڤه‌به‌ر، ب گشتى سيسته‌مێ ياسايى، ب كۆمه‌ بنه‌مايێن خوه ‌يێن ياسايى ڤه‌، ب شێوازه‌كێ رێزبه‌ندى و هه‌ره‌مى ل سه‌ر سێ ئاستێن جياواز دهێن دابه‌شكرن، ئێك ل بن ئێكێ دا دهێن دانان بۆ رێكخستنا ئاست و بهايێ ياسايى د جڤاكى دا، ل سه‌رێ هه‌ره‌مێ ياسايى، دەستوور دهێت، و ديڤدا ياسایا ئاسايى، و ل دوماهيێ ياسایا لاوه‌كى، بێ گومان نابت ياسایا ئاست نزم ب چ رێكا سه‌رپێچيا ياسایا ئاست به‌رز بكت، پێخه‌مەت ب ياسايكرنا سيسته‌مێ ده‌وله‌تێ ب شێوازه‌كێ راست و لۆژيكى. دەستوور ل بلندترين ئاستێ سيسته‌مێ ياسايى د ده‌وله‌تێ دا دهێت ديتن، و ئه‌ڤ چه‌نده‌ ژى بۆ هندێ دزڤرت چونكى ياسایا دەستووری گرنگترين و مه‌ترسیترين بابه‌تێ دامه‌زراندنا ده‌وله‌تێ و رێكخستنا جڤاكی‌ ب خوه‌ڤه‌ دگرت، دەستوور، شێواز و جورێ ده‌وله‌تێ و هه‌روه‌سان سيسته‌مێ حكومرانيێ و رێڤه‌برنێ ديار دكت، ژ لايه‌كێ دى، دەستوور، هه‌ر سێ ده‌ستهه‌لاتێن گشتی دادمه‌زرينت (ده‌ستهه‌لاتا ياسادانانێ، ده‌ستهه‌لاتا جێبەجێكرنێ، و ده‌ستهه‌لاتا دادوه‌رى‌)، و پسپوريا هه‌ر ئێك ژ ڤان ده‌ستهه‌لاتان و په‌يوه‌نديا وان د گەل ئێك ل سه‌ر بنه‌مايێ ژ ئێك جۆدا كرنا ده‌ستهه‌لاتان دهێت ده‌ستنيشانكرن. ل ئاليه‌كێ دى، دەستوور به‌رزترين ئاست و بهايێ ياسايى يه‌، چونكى به‌رزترين ده‌ستهه‌لات د دەولەتێ دا و ب ژێده‌ريا خه‌لكێ دەستوور دھێن دانان، و دەستوورێ هشك ب ئاسان و سانه‌هى ناهێت گوهۆرين، به‌لكی رێك و رێكارێن گوھۆرینا ده‌قێن دەستوورى ب زه‌حمه‌ت و ئالۆزترن ژ گوھۆرینا ده‌قێن ياسایا ئاسايى ئه‌وا ژ لايێ ده‌ستهه‌لاتا ياسادانانێ ڤە ده‌ركه‌ڤت، د ڤێ رێكێ دا بنه‌مايێ به‌رزيا دەستوورى په‌يدا دبت، و د بت بناغه‌ بۆ چاڤدێريا دادگه‌هێ ل سه‌ر دەستووريا ياسایا. ئه‌ڤجا بۆ دياركرنا تێگه‌هێ ياسایا دەستوورى، و ب وان هه‌موو بابه‌تێن پێڤه‌ گرێدايى وه‌ك ژێده‌رێن ياسایا دەستوورى، جورێن ياسایا دەستوورى، رێكێن دانانا دەستووری، ژ لايه‌كێ دى، بابه‌تێن چاوانیا گوھۆرینا ده‌قێن دەستوورى، و ژ كارئێخستن و دوماهيك ئینانا دەستوورى، هه‌روه‌سان شرۆڤه‌كرنا دەستوورى، و ل دوماهيێ سرۆشتێ بنه‌مايێن دەستوورى، رێكێن چاڤدێريێ ل سه‌ر دەستووريا ياسایا، د ئەڤێ په‌رتوكێ دا یێن هاتینه‌ گه‌نگه‌شه‌، ره‌خنه‌ و شرۆڤه‌كرن. دەرگەھێ دوێ ژ پەرتوكێ گرێدایی سیستەمێ دەستووریێ عێراقێ یە، دیاركرنا سیستەمێ دەستووری یێ دەولەتەكێ پێدڤی ب ڤەكۆلین و خواندنا دەستوورێ كارپێكریێ دەولەتێ یە، پێخەمەت ھندێ كو سیستەمێ دەستووری یێ عێراقێ ب زەلالی بۆ مە دیار و بەرچاڤ بت مە دەستوورێ كۆمارا عێراقێ یا سالا (2005) دەیناتیە ل بەر ھویربینیێ، ژ لایەكێ، ناڤەروك و تایبەتمەندیا دەستوورێ عێراقێ، ماف و ئازادیا ھاۆلاتیێن عێراقی ل دویڤ دەستووری، و دەستھەلاتێن گشتی یێن دەولەتێ دھێن شرۆڤەكرن، و ژ لایەك دی، پسپۆریێن دەستھەلاتێن دەولەتێ، و ھەرێم و پارێزگەھێن نە رێكخستی دھێن دەستنیشانكرن و نرخاندن، و ل دوماھیێ بابەتێ ئەحكامێن دوماھیا دەستووری ب ھەر دو خالێن ب ھێز و خاڤ یێن دەستووری ڤە دھێن بەرچاڤكرن.

مرۆڤ ب سرۆشتێ خوه‌ بوونه‌وه‌ره‌كێ كۆمه‌ڵايه‌تى يه‌، حه‌ز و ڤيانا سرۆشتێ وى ل سه‌ر زاڵه، له‌ورا‌ن ناهێت پێشبينيكرن مرۆڤ ب تنێ و دوير ژ جڤاكى بژيت و به‌رده‌وامايێ بدت ژيانا خوه‌، به‌لكو هه‌رده‌م هه‌ست ب خوه‌شيا په‌يوه‌نديێ دكت د گه‌ل مرۆڤێن ديێن د كۆمه‌لگه‌هى دا دژين، ژ لايه‌كێ دى، هه‌ستا تاكى و خوه‌‌ په‌رستيێ ژى ژ سرۆشتێ مرۆڤى يه‌، ئه‌ڤجا دهێت ديتن كو مرۆڤ د هه‌وڵێن به‌رده‌وام دايه‌ بۆ ب ده‌ستڤه ‌ئينان و پاراستنا به‌رژه‌وه‌نديا خوه‌ يا تاكى هه‌تا ل سه‌ر به‌رژه‌وه‌نديا كه‌سه‌كێ ديتر ژى بت، ب ڤى ره‌نگى ڤێك كه‌فتن په‌يدا دبت د ناڤبه‌را به‌رژه‌وه‌ندى و حه‌زێن مروڤان دا، و ئه‌نجام زيان و ئاريشه‌ په‌يدا دبن د كۆمه‌لگه‌ها مرۆڤايه‌تيێ دا، ب ڤى وێنه‌يى ل ڤێرێ پێدڤيا مرۆڤى ب ياسايێ ديار دبت. هه‌بوونا ياسايێ رێكخستنێ ددت ژيانا مرۆڤى د كۆمه‌لگه‌هى دا، دياركرنا ماف و ئه‌ركێن هه‌ر مرۆڤه‌كێ دگه‌ل ئێك د كۆمه‌لگه‌هى دا، و سه‌رراستكرنا ئاراسته‌يێ كۆمه‌لگه‌هێ به‌ره‌ڤ دادپه‌روه‌ريێ، يه‌كسانيێ، ئاشتى و ئاراميێ ب ياسايێ، باشترين گه‌ره‌نتيه‌ بۆ ژيانه‌كا پيرۆز بۆ مرۆڤى، ئه‌ڤ رێكخستنه‌ دهێت كۆمڤه‌كرن د كۆمه‌كا بنه‌مايێن ياسايێن گشتى و مجه‌ره‌د دا، ئه‌وێن پێدڤى ل سه‌ر مرۆڤى، و سه‌رپێچيا وان ب سزا بت، و ژ لايێ ده‌ستهه‌لاتێن گشتى بهێت سه‌پاندن ل سه‌ر سه‌رپێچكارى. ب شێوازه‌كێ گشتى بنه‌مايێن ياسايێ دكه‌ڤن ل بن ئێك ب شێوازه‌كێ رێكخستى و رێزبه‌ندى، ل سه‌رێ گوپيتكێ بنه‌مايێن ياسايا ده‌ستورى دهێن ديتن، و د بن دا بنه‌مايێن ياسايا ئاسايى، و ل بنى بريارێن كارگێرى يان به‌رفره‌هتر ياسايا لاوه‌كى، ئانكو وه‌كو هه‌ره‌مه‌كێ ياسايێ دهێت ديتن ژ لايێ هێز و پله‌يا خوه‌ڤه‌ ئێك ژ ئێكێ ب هێزتره‌، ئه‌ڤجا نابت ب چ ره‌نگان بنه‌مايێن پله‌ نزم سه‌رپێچيێ ل سه‌ر بنه‌مايێن پله‌ به‌رز بكن، ئه‌ڤ چه‌نده‌ ژى بۆ ئافراندنا سيسته‌مه‌كێ ياسايى، و بلند رێزگرتنا سه‌روه‌ريا ياسايى يه‌. ئه‌ڤ په‌رتووكه‌ پێك دهێت ژ چارده‌ به‌شان، هه‌ر به‌شه‌كێ بابه‌ته‌كێ تايبه‌ت ب خوه‌ڤه‌ گرتيه‌، به‌لێ هه‌موو ل بن ئێك سهـ دا كۆمڤه ‌دبن، مه‌ خوا‌ست يه‌ ب ره‌نگه‌كێ ياسايى ئه‌كاديمى شروڤه‌كرنێ بدن هه‌ر به‌شه‌كێ، و دهه‌مان ده‌م دا هه‌ر به‌شه‌ك ب شێوازه‌كێ ژيوارى و ره‌خنه‌يى بهێت نه‌خشاندن.

إن الشرعية في أبسط معانيها تعني أن يسود القانون بمعناه العام على كل السلطات الدولة، ويسطير عليها. والقانون في غالبية الدول ليس مرتبة واحدة، بل أن هناك مبدأ غاية في الأهمية ينظم القواعد القانونية في الدولة، ذلك هو مبدأ "تدرج الشرائع"، وهو مبدأ يصور البناء القانوني تصويراً هرمياً متتابع الدرجات، تتقيد فيه كل درجة بما يعلوها من درجات. ومما لا شك فيه أن الدستور أساس الشرعية وقمتها، فهو أصل كل نشاط قانوني يمارس داخل الدولة، ولحماية حقوق الأفراد وحرياتهم ضد القوانين الجائرة، ولحمل المشرع على احترام الدستور ظهرت فكرة الرقابة على دستورية القوانين. وإن موضوع الرقابة على دستورية القوانين هو موضوع عظيم الشأن بحسبان أنه هو الوسيلة اللازمة لرد طغيان السلطة التشريعية وإرجاعها إلى حدودها الدستورية، ومن ثم فهو الوسيلة الأساسية لضمان نفاذ القاعدة الدستورية، وبغيره ربما تغدو تلك القاعدة خلوا من جزاء موضوعي على مخالفتها. وإنطلاقاً مما سبق حرصت معظم الدساتير في دول العالم على تقرير الرقابة على دستورية القوانين والأنظمة، ولكنها اختلفت في تنظيمها للجهة المختصة بالرقابة، فمنها من عهد بهذه الرقابة إلى هيئة سياسية، أي لا يأخذ بنظام الرقابة القضائية، بل ينشئ نوعاً من الرقابة السياسية، وتتولاها هيئة السياسية -المجلس الدستوري- منتخبة أو يختار اعضاؤها بواسطة السلطات الدستورية في الدولة. وهذا الأسلوب، هو الذي كان شائعاً في الدساتير الفرنسية منذ عصور بعيدة، ومنها من عهد بها إلى جهة قضائية كالمحكمة الدستورية العليا في مصر والمحكمة الاتحادية العليا في الولايات المتحدة الأمريكية. ولا يخفي على أحد أن النظام السياسي في العراق اعتمدت على الأسلوب المركزي للحكم منذ تأسيس الدولة العراقية، وحتى نهاية العمل بالدستور المؤقت لعام 1970 وسقوط النظام القائم بموجبه بتاريخ 9/4/2003. وبعد ذلك شهدت النظام الدستوري والسياسي في العراق تغيرات جوهرية هامة والذي بمثابة نهاية حقبة التاريخية، حيث تحول العراق من دولة بسيطة إلى دولة مركبة، بتبنى النظام الفيدرالي الاتحادي كشكل الجديد للدولة، مع اعتماد النظام البرلماني المستند إلى مبدأ الفصل بين السلطات واحترام الدستور من خلال التأكيد على مبدأ سمو الدستور وترسيخ سيادة القانون بمعناه العام. ولأجل تحقيق هذه الأهداف كان لا بد من إيجاد الجهة القضائية عليا مستقلة تشرف على عمل مؤسسات الدولة وتحفظ على وحدتها وتنظم عمل السلطات فيها وتضمن عدم طغيان سلطة على أخرى، و ومن هنا كان ضرورة لإنشاء المحكمة الاتحادية العليا وتكون جزءاً من السلطة القضائية الاتحادية المستقلة. ولذا نصت المادة (44) من قانون إدارة الدولة العراقية للمرحلة الانتقالية للعام 2004 على تشكيل المحكمة تسمى "المحكمة الاتحادية العليا" ليحقق للدستور احترامه، ويضمن لمبدأ المشروعية أن يسود، لأن الحديث عن دولة المؤسسات وعن مبدأ المشروعية في دولة لا يوجد فيها قضاء الدستوري مستقل يصبح ضربا من العبث .وإستناداً إلى النص المذكور صدر قانون المحكمة الاتحادية العليا رقم 30 لسنة 2005 ليحدد قوام المحكمة واختصاصاتها. ومن ثم أكدت دستور جمهورية العراق لعام 2005 على المحكمة الاتحادية العليا كهيئة قضائية مستقلة مالياً وإدارياً في مادة (92) منها، وأناط بها اختصاص رقابة على دستورية القوانين وتفسير نصوص الدستور وبعض الاختصاصات الأخرى، لحفاظ على الحقوق الافراد وحرياتهم وصون الدستور. وإذ لا بد لنا من فهم المحكمة الاتحادية العليا لما لها دور القضائي مهم في الحفاظ على سيادة الدستور، ومن ثم إجراءات التقاضي فيها ومن له حق إقامة الدعوى الدستورية فيها، وفق قانون ونظامها الداخلي واللذين جاء بنصوص غامضة وتشوبها نواقص عدة مما انعكس سلباً على صورة المحكمة الاتحادية العليا ومكانتها السامية في السلم القضائي في العراق.

لمؤلف رومان خليل رسول السنة 2019 ISBN 978-977-379-481-3 نبذة عن في الواقع إن الرقابة على دستورية القوانين واللوائح هي الضمانة الحقيقية لحماية الدستور من العبث والإهدار؛ لذا حرصت معظم الدساتير في دول العالم على تقرير الرقابة على دستورية القوانين واللوائح، ولكنها اختلفت في تنظيمها للجهة المختصة بالرقابة، فمنها من عهد بهذه الرقابة إلى هيئة سياسية كالمجلس الدستوري في فرنسا، ومنها من عهد بها إلى جهة قضائية كالمحكمة الدستورية العليا في مصر والمحكمة الاتحادية العليا في العراق، وكما أنه قد اختلف - أيضاً- في أساليب هذه الرقابة تبعاً لاختلاف الظروف السياسة لكل دولة على حده، بحسب نوع الرقابة التي أخذت بها