2012-04-10

(ئه‌ڤ په‌ڕتووكه‌ د بنه‌ڕه‌تدا ژ حه‌فت(7)ڤه‌كۆلینان پێكدهێت كو دبیاڤێ تیۆر و ره‌خنا ئه‌ده‌بینه‌ و مه‌ ژ زمانێ عه‌ره‌بى وه‌رگرتینه‌ و وه‌رگێڕاینه‌ سه‌ر زمانێ كوردى كو ئه‌ڤان بابه‌تان بخوه‌ڤه‌ دگریت: ڤارێبوون و په‌یڤێن كلیلدار، زمانێ هۆزانێ و لێگه‌ڕیان لــــ(شعریه‌تێ)، بۆ چى دبێژنێ ؛ تێكستێ هه‌ڤته‌ریب ....؟، ده‌نگێن زمانى و ئه‌ندازیاریا موزیكێ، تیورا رۆمانێ ل ده‌ڤ "لوكاش"ى، ئیستاتیكا (Aپsthپtics)).

2008-08-12

(ئه‌ڤ په‌ڕتووكه‌ ئێكه‌م نامه‌یه‌ د ئه‌ڤى بابه‌تیدا دناڤ ره‌خنا ئه‌ده‌بیا كوردیدا هاتیه‌ نڤێسین و ماسته‌رناما مه‌یه‌ و د بیاڤێ زانستێ ناڤونیشانكرنێدا هاتیه‌ نڤێسین و ژ سێ به‌شان پبَكدهێت دوو به‌ش بۆ ته‌وه‌رێ تیۆریێ زانستێ ناڤونیشانكرنێ هاتینه‌ ته‌رخانكرن و به‌شێ سیێ و دوماهیكێ ژ بۆ ته‌وه‌رێ پڕاكتیكیێ ئه‌ڤێ په‌ڕتووكێیه‌ كو تیۆرا ناڤونیشلنكرنێ بسه‌ر سێ دیوانێن هۆزانڤان محسن قۆچاندا هاتیه‌ پڕاكتیزه‌كرنێ)

2007-10-16

ئه‌ڤ په‌ڕتووكه‌ ژ لایێ نڤێسه‌رێ مسرى(د. محمد عبدالقادر حاتم)هاتیه‌ دانان و مه‌ ژ زمانێ عه‌ره‌بى وه‌رگێڕایه‌ سه‌ر زمانێ كوردى و ژ سێ به‌شێن سه‌ره‌كى پێكدهێت.به‌شێ ئێكێ لژێر ئه‌ڤى ناڤونیشانى هاتیه‌(دیموكراسیه‌تا راگه‌هاندن و په‌یوه‌ندیكرنێ).به‌شێ دووێ لژێر ئه‌ڤى ناڤونیشانى بوویه‌(په‌یوه‌ندیكرن و رایا گشتى).به‌شێ سیێ لژێر ئه‌ڤى ناڤونیشانى هاتیه‌ (راگه‌هاندنا جیهانیا مافێن مرۆڤى و ئازادییا راگه‌هاندنێ) .

2006-11-08

ئه‌ڤ دیوانه‌ به‌رهه‌مێ منێ نه‌خریێ هۆزانانه‌ و (24)هۆزانان بخوه‌ڤه‌ دگریت و شێوازێ داڕشتنا ئه‌ڤان هۆزانان مه‌ ب شێوه‌یێ نووخوازى داڕشتینه‌ ئانكو زێده‌تر مه‌ سه‌نگ ئێخستیه‌ سه‌ر ته‌وه‌رێ مژداریبوونا واتایێ ئانكو ده‌ربڕینا بابه‌تان بشێوه‌یێن ڤه‌شارتى و زمانه‌كێ قۆرس ومژاویێن ده‌ربڕینه‌.

2005-04-05

ئه‌ڤ په‌ڕتووكه‌ ئێكه‌م به‌رهه‌مێ منه‌ كو وه‌كو په‌ڕتووك من دابیته‌ چاپكرن كو د بنه‌ڕه‌تدا ڤه‌كۆلینا منا ده‌رچوونێ بوو ل قۆناغا چوارێ به‌كالۆریوسێ من ئاماده‌كربوو و سۆپاس بۆ خودێ ئه‌ڤ ڤه‌كۆلینا من ب پلا(هه‌ره‌ باش)هاتبوو وه‌رگرتن و پشتى هینگێ من كره‌ په‌ڕتووك و دایه‌ به‌لاڤكرن.دناڤ ئه‌ڤێ په‌ڕتووكێدا،مه‌ دیوانا(ستران و به‌رفر و ئاگر)یا هۆزانڤانێ ناڤدار(موئه‌یه‌د ته‌یب)ژ لایێ فۆرمى یان رۆخسارێڤه‌ دایه‌ شلۆڤه‌كرن و فۆرمێ ئه‌ڤان هۆزانان ژلایێ فۆرمێ ده‌ره‌كى كو ته‌وه‌رێ كێش و ریتم و سه‌روایێ بخوه‌ڤه‌ دگریت و ژلایێ فۆرمێ ناڤه‌كى كو ته‌وه‌رێ زمانێ هۆزانێ و وێنه‌یێ هونه‌ریێ هۆزانێ بخوه‌ڤه‌ دگریت مه‌ ئه‌و دیوان شلۆڤه‌كریه‌